خالد تکل

خالد تکل د استاد فضل الهي زوی په ۱۳۷۰ لمریز کال د پېښور په کچه ګړۍ کمپ کې زېږېدلی دی. نوموړی له اره د ننګرهار ولایت اوسېدونکی دی.
لومړنۍ، منځنۍ او ثانوي زده کړې يې د ننګرهار په روداتو ولسوالۍ کې د احداد په عالي لېسې کې بشپړې کړي او په ۱۳۸۹ کال کې له دې لېسې په اعلی درجه فارغ شوی دی.
په ۱۳۹۰ کال د کانکور په ازموینه کې د کابل پوهنتون د ژبو او ادبیاتو پوهنځي ته بریالی شو او اوسمهال د دغه پوهنځي د وروستی کال محصل دی.
نوموړي د لېسې له وخته په بېلابېلو غږېزو، انځوریزو او چاپي رسنیو کې د خبریال او ایډیټر په توګه دندې ترسره کوي.
د دې ترڅنګ يې په ورځینو سیاسي، کولتوري او ادبي مسایلو بېلابېلې مقالې لیکلي او خپرې شوې دي.
خالد تکل په ننګرهار کې د سپین غر او صفا راډيو ګانو خبریال، د احداد جريدې مسوول مدیر، په کابل کې د ژوندون راډیو ټلویزویون د ادبي خپرونو پریزنټر پاتې شوی دی.
ښاغلی تکل اوسمهال په کابل کې د سپوږمۍ راډیو خبریال او د سرنوشت ورځپاڼې ایډیټر دی. دغه راز نوموړی اوسمهال له لومړیتوب، تاند، روهي او نورو سایټونو سره افتخاري خبریالي هم کوي.