د وزو او پسونودمعمولو چېنجيو ضد درملو شکلونه

Posted By: لومړيتوبon: December 13, 2015In: کرنه او مالداري, لومړيتوب

Print Email

لیکنه: پوهنمل خوشدل معروف

د ډيورمينګ وختونه

۱- د کلمو او معدې چېنجيان:

په پسرلي کې د لنګون نه مخکې يو ځلې درملنه ( البيندازول- ايورمکتين) يو دوز.

– څړځاي ته د څارويو د بيولو مخکې يو وار درملنه ( البيندازول- ايورمکتين) يو دوز.

– د څړځايونو په ختم کې يو وار درملنه ( البيندازول- ايورمکتين) يو دوز.

۲- د ځګر چېنجي ( په بيلابيلو سيمو کې واقع کېدل توپير کوي):

د نابالغو چېنجيانو لپاره په اوړي کې يو وار درملنه ( ترايکلابندازول) يو دوز.
د نابالغو چېنجيانو لپاره په مني کې يو وار درملنه (البندازول) يو دوز.

۳- د سږو چېنجيان:

په دوبي کې يو وار درملنه (البندازول- ايورمکتين) يو دوز.

۴- د خارجي پرازيتونو مخنيوې:

– د کنو(شينو) د مخنيوې لپاره ددوبي په شروع کې يو وار درملنه (ايورمکتين) يو وار.

– د سپږو او پوند (ګرګ) د مخنيوې لپاره مخکې د کور دننه کولو څخه يو وار درملنه (ايورمکتين) يو دوز.

– ټول لږ ترلږه ۴ وارې درملنه

د وزو او پسونودمعمولو چېنجيو ضد درملو شکلونه، دوز او د غوښې او شېدو د نه خوړلو موده:

د درمل نوم	ددرمل تجارتي نوم	ددرمل شکل	اندازه	دغوښې نه خوړل/ ورځې	دشېدو نه خوړل/ ورځې	ددرملو تاثير په پرازيت
لواميزول	لواميزول ۱۰۰	ډرينج زرقي	mg/kg۱۲	ډرينج ۲ زرقي ۱۸	ډرينج ۴ زرقي ۴	د کلمو ، معدې او سږو چېنجي
لواميزول او اوکسي کلوزانايد	لوافاس، نلزان پارانيل، انترزان	ډرينج	د ليبل مطابق استعمال شي	۱۰	۵	د کلمو ، معدې ، سږو او د ځيګر بالغ چېنجي
فيبيندازول	فيبينول	ډرينج	mg/kg ۱۰	۸	۰	د کلمو ، معدې ، سږو او د ځيګر بالغ چېنجي او فيته يي چېنجي
اوکسي فيندازول	سستاميکس	ډرينج	mg/kg ۵	۸	۰	د کلمو ، معدې ، سږو او د ځيګر بالغ چېنجي او فيته يي چېنجي
البيندازول	البيندازول	ډرينج بولس	mg/kg ۱۰ دولس ورځې عين مقدار	۱۲ ۱۲	۴ ۴	د کلمو ، معدې ، سږو او د ځيګر بالغ چېنجي او فيته يي چېنجي
تراې کلابيندازول	تراي بينول	ډرينج	mg/kg ۱۰	۲۸	شېدو څخه بايد استفاده ونشي	د ځيګر بالغ او نابالغ چېنجي
ايورمکتين	نورمکتين انترمکتين	زرقي	mg/kg ۴.۰ وزو ته mg/kg ۲.۰ پسونو ته	۲۸	شېدو څخه بايد استفاده ونشي	د کلمو ، معدې او سږوچېنجي، د پوزې چېنجي، خمنډکې، سپږي او پوند
تراې کلوروفان	ډيفريفان نيګوان تراې کلورفان	د حيوان په بدن سپرې کول او غوټه کول	٪ ۱۵.۰ محلول	۵	شېدو څخه بايد استفاده ونشي	خمنډک، سپږې، ګرګ يا پوند

ددوا د تطبيق څخه مخکې بايد ددوا موثره ماده په لېبل باندې په دقيقه توګه و ليدل شي ځکه مختلفې کمپنۍ په مختلفو نومونو او دوزونو سره دواګانې توليدوي. د دوا دوز د څاروي د وزن په اساس ورکول کېږي چې بايد کلکه پاملرنه ورته وشي. اګر که د ځينو دواګانو دوز په نوموړو دواګانو کې د موثرې مادې د غلظت په اساس تعين شوې وي. د مثال پتوګه که يوه دوا ۱۰ ملي ګرامه په يو کېلو ګرام وزن د بدن ورکړل شي پدې صورت کې د ۲۵ کېلوګرام وزن لرونکې پسه لپاره بايد ۲۵۰ ملي ګرامه دوا بايد ورکړل شي. که چېرې د يوه څخه زياته دوا په يوه بولس کې موجوده وي پدې صورت کې د دوا د دوز محاسبه ګرانيږي چې بايد د ورکړل شوې ليبل له مخې تطبيق شي او پورتنۍ محاسبه د اجرا وړ نه ده.