د مديريت (Management) اړوند بنسټيز تعريفونه

 مدير څوك دى؟ – Who is Manager

مدير په لغت كې اداره كونكي او دكار چلونكي ته وايي؛ په اصطلاح كې مدير هغه څوك دى چې د خپلې ډلې يا ټيم د کړنو د تنظيم يا اوډون دنده پر غاړه لري.

 مدیریت څه دى؟ What is Management

مديريت په لغت كې د ادارې سمبا لول، د كار چلونه او دې ته ورته اداري چارې دي او په اصطلاح كې د انسانانو دمادى ځواك يووالۍ او په کم وخت کې تر ټولو په کم لګښت د کار سر ته رسول دي.

په بله وينا، د موخو، پلانونو، دندو او سر چينو په شان داداري ارګان د اركانو ادارې ته مديريت ویل کيږي.

سیستم(System) څه دی؟

يو شمېر سره تړلې كړنلارې دٰي چې په مرسته يې ديوې ادارې د هدف يوه برخه تر لاسه کيږي.

په بله وينا، سيستم د څو سره تړلو برخو يوه مجموعه ده چې د يوې په زيانمنېدو، ټول سيستم زيان موندلی شي.

د ادارې او مجمنټ له ليدلوري: سيستم ديوې ادارې د ننه د بېلابېلو څانگو او ارګانونو  له مجموعى څخه عبارت دی  چې ټاکلي او ګډ هدف ته د رسېدو لپاره د منل شوو قواعدو او مقرراتو په چوکاټ کې يو ځای او همغږی فعاليت کوي.

سيستم په دوه ډوله دی:

تړلی سيستم: هغه چې له بيروني چاپېريال سره اړيکې نه لري.

پرانستی سيستم: له بيروني چاپېريال سره په اړيکه کې دی.

ستراتیژی (Strategy) څه ده؟  

ستراتیژی هغې بشپړې، هر اړخيزې او يوازينۍ تګلارې ته ویل کيږي چې په وسيله يې د ادارې بنسټيزو اهدافو ته د رسېدو لپاره لارې ټاکل کيږي.

په بله وينا، دادارې ټولو اهدافو ته د رسېدو لپاره د پاليسيو او کړنلارو بشپړ پلان ته ستراتيژي ویل کيږي.

 پلان (Plan) څه دی؟

په سيستماتيکه او منظمه توګه هدف ته د رسېدو لپاره مخکې له مخکې جوړې شوې برنامې ته پلان ویل کيږي. پلان په درې ډوله دی:

1. لنډمهالی پلان
2. منځ مهالی پلان
3. اوږدمهالی پلان

تشکیل څه دی؟

په يوه اداره کې د د ندو ويش، د واکونو  او مسؤوليتونو د بريدونو ټاکل، د منطقي اړيکو رامنځته کول او د مراتبو لړۍ ته تشکيلات ویل کيږي.

په تشكيلاتو كې لاندې دري ټكي د ارزښت لرونکي دي:

1. په تشكيل كې ددندو ويشنه
2. دواكونو او دندو ټاكنه او پيژندنه
3. د څانګو او واحدنو تر منځ منطقي اړيکي

 پروژه (Project) څه ته وايي؟

پروژه هغې ځانګړې کړنې ته ویل کيږي چې مالوم پیل او پای ولري. د پروژې له پای ته رسېدو سره تشکيلات هم له منځه ځي.

په پروژه کې هدف ته د رسېدو لپاره له ځانګړو شوو سرچينو او ټاکل شوی وخت په پام کې نيول کيږي.

 د پروژى  مدیریت څه دی؟

دپروژى مديريت منظمه پلان جوړونه، جوړښت، يوالی، تر سره کول، همغږي، كنټرول او څارنه ده. د يادو شوو  پړاوونو په بهير كې موخو ته د رسيد لپاره په ټاکلو وختونو کې ټاکلې سرچينې کارول کيږي.

ژباړه: سعيد

سرچينه:

IIARCSC