د نړۍ لس تر ټولو ځيرک کسان

۱۰- سټيفن هاوکېنګ – Stephen Hawking

سټيقن هاوکېنګ يو انګليسي ساينس پوه دی. هغه په ۱۹۴۲ ز کال زېږېدلی او د ساينس په څانګه کې تخصص لري او د ۱۶۰ آی کيو په درلودلو يې د خپلو نظريو او څېړنو له کبله ستر نوم ګټلی دی. ښاغلی هاوکېنګ اوس مهال فلج دی ولې بيا هم د نسبيت او کوانتمي مکانيک له نظريو په ګټه اخستلو د ساينس او کايناتو د منځته راتلو په اړه څېړنې کوي.

سټيفن هاوکېنګ

۹- اندري ويلاس – Andrew Wiles

اندري ویلاس يو انګريز رياضي‌پوه دی چې په ۱۹۵۳ز کال په کمبرېج کې زېږېدلی دی. هغه په کمبرېج پوهنتون کې د څېړنو پروفیسور دی او د عددونو په تيورۍ کې تخصص لري. ښالی ويلاس د ۱۷۰ آی کيو په درلودلو سره د نړۍ د ځيرکو کسانو له ډلې يو دی.

اندري ويلاس

۸- پال ګارډنر الن – Paul Gardner Allen

پال الن يو امريکايي پانګوال، سوداګر او د بشري حقوقو ملاتړی دی. هغه په ۱۹۵۳ زېږديز کال په واشنګټن کې زېږېدلی دی. ښاغلی پال د بېل ګېټس ملګری او د مايکروسافټ کمپنۍ له بنسټ اېښودونکو څخه دی. د دې تر څنګ چې د نړۍ له ځيرکو کسانو څخه يو دی؛ د ټولې نړۍ په شتمنو کسانو کې هم يو پنځوسم ځای لري.

پال ګارډنر الن

۷- جوډيټ پالګر –  Judith Polgar

جوډېټ پالګر په ۱۹۷۶ز کال کې په هنګري کې زېږېدلې او د سطرنج نړيواله اتله ده. هغې د سطرنج په تاريخ کې د سترې استادې نوم په ۱۵ کلنۍ کې ګټلی او د ۱۷۰ آي کيو په درلودلو يې د نړۍ د سطرنج نور اتلان مات کړي دي.

جوډټ پالګر

۶– ګري کاسپاروف – Garry Kasparov

ګري کاسپاروپ د نړۍ په کچه د سطرنج پخوانی اتل دی. هغه په ۱۹۶۳ز کال په پخواني شوروي کې زېږېدلی او اوس يې ليکوالۍ او سياست ته مخه کړې ده. ښاغلی کاسپاروف د ۱۹۰ آی کيو په درلودلو د نړۍ د لسو ځيرکو کسانو په ډله کې شپږم ځای لري.

ګاري باسپاروف

۵- ريچارد روسنر – Richard Rosner

ريچارد روسنر په ۱۹۶۰ز کال کې په امريکا کې زېږېدلی او د ټلويزيوني خپرونو ليکونکی او جوړوونکی دی.

نوموړی د ۱۹۲ آی کيو په درلودلو ستر نوم ګټلی او د نړۍ له لسو ځيرکو کسانو يو دی.

ريچارد روستر

۴- کيم اونګ يون – Kim Ung-Yong

کېم اونګ يون يو کوريايي سېول انجينیر دی چې په ۱۹۶۳ز کال کې زېږېدلی دی. هغه د شپږو مياشتو و چې په کوريايي ژبه يې روانې خبرې کولې او د ۱۴ کلو په عمر يې پېچلې ديفرانسيلونه او انتيګرالونه حلولای شول. ښاغلی يون د ۲۱۰ آی کيو په درلودلو سره د نړۍ له ځيرکو کسانو څخه يو دی او د ګينس ريکارډونو په نړيوال کتاب کې يې د بې ساري ماشوم په نوم ريکارډ خپل کړی دی.

کېم اونګ یانګ

۳- کرستوفر هيراتا- Christopher Hirata

کرستوفر هيراتا په ۱۹۸۲ز کال کې په مشيګان کې زېږدلی او ۲۲۵ آی کيو په درلودلو سره د نړۍ له لسو ځيرکو کسانو يو دی. هغه په شپاړس کلنۍ کې له ناسا سره د مريخ د تسخير لپاره ملګری شو او په ۲۲ کلنۍ کې يې دوکتورا تر لاسه کړه. دم مهال ښاغلی هيراتا د کليفورنيا د ټکنالوژۍ په انستيتيوت کې استاد دی.

کرستوفر هيراتا

۲- مريلين واس ساونت – Marilyn Vos Savant

مريلين واس ساونت په ۱۹۴۶ کال کې په امريکا کې زېږېدلې او د ۲۲۸ آی کيو په درلودلو يې د ګېنس د ريکارډونو په کتاب کې خپل نوم خوندي کړی دی. آغلې ساونت ليکواله، ويناواله او ډرامه ليکونکې ده. له ۱۹۸۶ کال راهيسي د پرېډ مجلې لپاره د (له مريلين وپوښتئ) تر سرليک لاندې ليکنې کوي او هر ډول پوښتنو ته پکې ځوابونه وايي.

مريلين واس ساونت

۱– ټرنس ټاو- Terence Tao

ټرنس ټاو يو اسټراليايي – امريکايي رياضي‌پوه دی چې په ۱۹۷۵ز کال په امريکا کې زېږېدلی دی. ښاغلی ټاو د ۲۳۰ آی کيو په درلودلو د نړۍ په ځيرکو کسانو کې لومړی مقام لري. نوموړی دم مهال د ديفرانسيلي معادلو، هارمونيک اناليز، د ماتريکس ناببره تيوري، د عددونو تحليلي تيوري او د ګوديک رمزي تيورۍ په څېړنو بوخت دی.

ټرنس ټاو