ښه انځور څنګه واخلو؟ (یوولسمه برخه)

ژباړه: حبیب وقار

شاته ګرځېدونکی ماکرو لېنز، نژدې عکاسي

دلته غواړو د (شاته ګرځېدونکي ماکرو لېنز) تخنيک ته په کره توګه پام واړوو.

که تاسې تر دې وړاندې يو 50 ملي متره (د فوکس 18-55 ملي متره ټکي ته نژدې) سټنډرډ لېنز درلود، نو(شاته ګرځېدونکي ماکرو لېنز) هم له نژدې سيمې څخه د عکس اخيستو لپاره ارزانه لار ده.

د شاته ګرځېدونکي لېنز تخنيک، يو لور او بل لور ته د ګرځېدو وړتيا لري. په هغه کې شاتنی عنصر بهر ته شړل کېږي او مختنی عنصر د کامرې تنې ته نژدې کېږي. تاسې کولای شئ له لېنز سره د يو ځای کولو لپاره د کامرې د تنې لپاره بل لېنز يا يو ځانګړی اډيپټر واخلئ.

که تاسې تر دې وړاندې داسې څه نه وي ليدلي، کېدای شي يو څه عجيب درته ښکاره شي. خو دا کار شونی دی. پورته دياګرام د پوښتنې ځواب وايي. په عادي حالت کې، يو 50 ملي متره لېنز کولای شي له لرې واټن څخه په رڼا (نور) فوکس وکړي. په دې حالت کې تصوير ډېر وړوکی ښکاري چې کولای شو په يوه دېجېټل يا فلم يې ثبت کړو.

لېنز شاته وګرځوﺉ او وبه ګورﺉ چې د عکس عمل ترسره کوي. 50 ملي متره لېنز چې څه ګوري لويوي يې. لاندې دوه ډوله ماکرولينزونه لرو.

ــــــــــــــــــــــــــــــــ

د شاته تلو په حالت کې ټکي ماکرو لېنز
د شاته تلو په حالت کې دوه ګونی ماکرو لېنز

د لمر له لوېدوڅخه ښايسته تصويرونه په څه ډول واخلو؟

د لمر لوېدل د عکاسۍ لپاره پېژندل شوې سوژه ده، په ځانګړې توګه هغه وخت چې په سفر کې له عکاسۍ نه خبرې کېږي. د لمر لوېدو په وخت کې طبيعت ترده پورې تړاو لرونکې څېره او رنګ غوره کوي چې عکاس ته يوه په زړه پورې صحنه شمېرل کېږي. دا ډول عکاسي د دوو مهمو موضوع ګانو څرګندونه کوي. لومړی دا چې د رڼا له سرچينې (لمر) څخه په نېغ ډول عکس اخيستل او د رنګونو برابروالی چې سخت کار دی، په ځانګړې ډول چې سوژه د رڼا د چاپېريال لرونکې وي.

عکس اخيستو ته تياری:

کله چې له لمر لوېدو عکس اخلئ، لکه له طبيعت نه عکس اخيستل، بايد چې له يوه طلايي وخت نه د عکس اخيستو تياری ولرﺉ. د نيم ساعت شاوخوا وخت لرﺉ چې د لمر لوېدو عکس واخلئ، سره ددې چې د لمر لوېدو تر ټولو ښه وخت هغه دی چې لمر سترګې اخيستونکې رڼا ولري، چې هغه هم يوه دقيقه دی. نو د عکس اخيستو لپاره تياری اړين دی. بايد پوه شئ چې ستاسې په سيمه کې څه وخت لمر لوېږي. ښه ځای ته په وړ وخت کې لاړ شئ او له ځان سره لازم وسايل هم يوسئ چې د اړتيا په وخت کې کار ترې واخلئ.

د لمر له لوېدو څخه د عکس اخيستو لپاره حرکت:

ددې لپاره چې د شپې په وخت کې تر ټولو ښه تصويرونه واخلئ بايد ښه وسايل وکاروﺉ لکه:

يوه ښه کامره:

د DSLR هره کامره به ښه او عالي وي، ځکه چې د لمر لوېدو په وخت کې بايد عکسونه په يوه ټيټه ISO کې واخيستل شي.

پايه.

په ټيټه ISO سره کار تاسې دې ته هڅوی شي چې د لمر لوېدو په وخت کې د شټر له ټيټ چټکوالي کار واخلئ له همدې امله د کامرې د ثابت پاتې کېدو لپاره يوه پايه لرل اړين دي.

د لوړ فوکس لرونکي لېنزونه.

د لمر لوېدو په وخت کې د ښکلو عکسونو اخيستل، د سوژې په چوکاټ کې د عکس اخيستو اړتيا پيداکوي. ځکه هغه څه چې ستاسې سوژه محدوده ساتي، ستاسې تصويرونه په عادي او عالي تصويرونو وېشي. تاسې د يوې منظرې د اخيستو لپاره د يوې پرانيستې زاويې له مخې معمولاً يوه لوړ فوکس لرونکي لېنز ته اړتيا لرﺉ. چې دا چوکاټ کول به ستاسې کار نور هم آسانه کړي.

د ترکيب په اړه نور ټکي او نورې هغه نظريې چې له تاسې سره به د لمر لوېدو د ښکلو تصويرونو په اخيستو کې مرسته وکړي:

د وړ ترکيب ټاکل او له بېلو نظرونو کار اخيستل ستاسې عکسونه د لمر لوېدو له عادي عکسونو نه بهتره ښيي.

تل هڅه وکړﺉ چې په ترکيب کې درې ګوني قوانين پلي کړﺉ او ستاسې په تصويرونو کې د جزياتو او برخو څرګندېدو ته بشپړ پام وکړﺉ. هڅه وکړﺉ چې په عکس کې مو بېلې موضوع ګانې لکه ونه، اوبه او يا لرې غر راوړﺉ او د رڼا له هغې ښکلا څخه چې د لمر لوېدو په وخت کې څرګندېږي، ګټه واخلئ. هڅه وکړﺉ يو ښه شی واخلئ. د دې په ځای چې يوازې لمر په پام کې ونيسئ، کولای شئ د هغې چاپېريال ته پام وکړﺉ او د لمر لوېدل د عکس د يوه ښکلي چاپېريال يا بکګرونډ په څېر په پام کې ونيسئ.

نوربیا….

نورې برخې

ښه انځور څنګه واخلو؟ (څوارلسمه برخه)

April 06, 2015 In: انځورګري, ځنځیري لیکنې, ژباړه, ساینس او ټکنالوژي, لومړيتوب No comments

ژباړه: حبیب وقار څنګه يو ښه عکاس کېدی شو؟ ښه عکاس په بده هوا کې پېژندل کېږي. ښه کامره هغه ده چې د ښه عکاس په لاس کې وي. يو ښه کاس د يوه مهندس په توګه اندازه اخلي، د يوه فيلسوف په څېر فکر کوي او نړۍ ته د يوه شاعر په توګه […] Read more

3 Comments

1

سلیم واحدي
March 8, 2015 at 1:11 pm
حبیب وقار صاحب سلام علیکم ورحمت الله، الله ج د د ټولو غرونو په اندازه اجر درکړی. د تاسو دی لیکنی زه ډیر خوشحاله کړم. او ډیره می خوښه شوه.
زه له عکاسی سره ډیره مینه لرم، خو سمه کامره نه لرم. کیدای شی راته ووایاست چی ارزانه او ښه کامره چیرته اخیستلای شم. البته مستعمله.
مننه

1. 1.1
  
  حبيب وقار
  March 11, 2015 at 3:28 pm
  واحدي صیب له تاسې هم نړۍ مننه کوم خوشاله اوسې، که د الله ج رضا وه دا لړۍ به روانه ساتو او تاسې کولای شﺉ چې د دې لړۍ مخکنۍ برخې هم ولولﺉ.
  دا چې د عکاسۍ له پاره د ښې کامرې ځانګړتیاوې څه دي په راتلونکو برخو کې به یې تاسې ته وړاندې کړو.
  دا چې ښه مستعمله کامره څه ډول او چېرته واخلې نه پوهېږم. دا هم نه پوهېږم چې تاسې چېرته ژوند کوﺉ. که کندهار ته نژدې وﺉ نو دویم لاس وسایل خلک له وېش بازار څخه راوړي. په کابل کې هم په چنداول او صدیق عمر مارکېټ چې نادر پښتون جاده کې دی پیداکېږي.
  بریالی اوسې.
  
2

سلیم واحدي
March 14, 2015 at 1:29 pm
ډیره مننه، محترم وقار صاحب، ډیر خوشحاله شوم چی تاسی زما پوښتنی ته ځواب راکړ.
مننه، ما ټولی برخی تعقیب کړی دی. او ډیری می خوښی شوی. دی. او روانی برخی به هم انشاالله لولم.
قلم مو روان او په ګوتو مو برکت شه.

ښه انځور څنګه واخلو؟ (څوارلسمه برخه)

مارک ټواين

په هند کې دمغولو وروستی واکمن بهادرشاه ظفر

About the author

حبيب وقار

Related Articles

3 Comments

سلیم واحدي

حبيب وقار

سلیم واحدي

Leave a Reply Cancel Reply