ښه انځور څنګه واخلو؟ (دويمه برخه)

Posted By: حبيب وقارon: January 24, 2015In: انځورګري, ځنځیري لیکنې, ژباړه, ساینس او ټکنالوژي1 Comment

ژباړه: حبيب وقار

مایکرو اېم وي (Micro MV)

دا کامره هم له سوني شرکت څخه ده، وړې فيتې کاروي، د فلم اخيستو لپاره يوه 64 کيلوبايټه ذخيره لري. په دې قالب کې جوړې کامرې د MPEG- 2 د انځورونو د واړه کولو له طريقې ګټه اخلي.

Mini DVD

ځينې نوې کامرې دا وړتيا لري چې اخيستل شوی فلم په مستقيمه توګه په DVD ثبت کړي چې د DVD ډول يې په ډېرو کې توپير نه سره لري. يا په بله وينا د فلم اخيستلو دستګاه د mini DVD-R، mini DVD-RW او تر دې چې DVD- RAMد ليکلو وړتيا لري.

بايد پام مو وي، په دې دليل چې د DVD- RAM پر مخ د ذخيره کولو ډول، لکه سخت ډېسک د متحدالمرکز کړيو په توګه (د نورو مارپېچ ډولو پر خلاف) نورو خپروونکو دستګاوو ته په پام سره دا ډول ډېسکونه ناسم دي.

سخت ډېسک

د ځينو نورو کامرو له ډلې د ثبت لپاره د نوري ډېسکونو او فېته يي فلمونو په ځای له سخت ډېسک نه کار اخيستل کېږي. لږ حجم، لوړه وړتيا او د ډېسک په مخ د ډېرې ليکنې وړتيا د دې ډول کامرو ځانګړتياوې دي. کامرې په بېلو وړتياوو سره پيداکېږي. د بېلګې په توګه د ثبت څرنګوالي ته په کتو سره يوه کامره ۳۰ ګېګابايټه سخت ډېسک لري چې له ۷ څخه تر ۳۷ ساعتونو پورې فلم ثبتوی شي.

HD-DVD

هغه کامرې چې د HD-DVD پر مخ انځورونه ذخيره کولای شي. HD-DVD يو ځانګړی قالب دی چې د پورته شرحې په څېر د انځوريزو فايلونو لپاره کارول کېږي چې په اوس وخت کې د دې نوو کامرو بيې د نورو کامرو په پرتله لوړې دي.

ښودونکی

د انځور د چاپېريال د چوکاټ کولو لپاره د کامرې د ښودونکي رول ښه لاره ده، چې د عکاسي د اطلاعاتو ښودنه هم د پارامترونو د اندازې له مخې او د مينوګانو حالت د دې په مرسته ترسره کېږي.

نور بيا…