کور پاڼه روغتیا د تازه انځر ګټې

د تازه انځر ګټې

0 ثانیې لوستل شوې
0
798

ژباړه: حمیدالله حمیدي
طبي څېړنو اوس دا ثابته کړې ده چې انځر له مګنیزیم، پوتیاشیم، کلیسم او فاسفور څخه مالامال هغه مېوه ده چې د سر، غاښونو، ستوني او معدې دردونه له منځه وړي او د تنفسي ناروغیو لپاره تر ټولو ښه نسخه ده.
د سنتي طب څېړونکي هم په دې اند دي چې انځر د اوړي له هغو مېوو ګڼل کېږي چې ډېره ادرار راوړونکې ده او دا لامل کېږي چې د انسان د وجود حرارت کم کړي او یا له منځه یوسي.
دوی وایي چې انځر په هر ډول غذایي رژيم کې د کارونې وړ دي، هغه که د وزن د کموالي، د غوړو د له منځه وړلو او یا هم په وینه کې د شکرې د کنټرول لپاره وي.
د دغو څېړونکو د څېړنې مشر وایي چې انځر په خپل ترکیب کې غوړ نه لري او د نورو مېوو په څېر یوه بې کلستروله مېوه ده چې خوراک یې د وینې فشار د ټیټېدو لامل ګرځي؛ ځکه په زیاته کچه پوتاشیم لري.
په څېړنه کې دا هم په ګوته شوې ده چې انځر د غذایي فیبر تر ټولو غوره سرچینه ده او دغه راز په زیاته کچه پوتاشیم، مګنیزیم، کلیسم، فاسفورس او د A,B,C ويټامینونه لري.
د انځر خوړل قبضیت چې د ناروغیو مور ګڼل کېږي، له منځه وړي او د عضلاتو د ضعف مخه نیسي. هغه کسان چې د ورځې ۳ عدده انځر خوري، د هغو کسانو په پرتله به یې عضلې قوي او پیاوړې وي چې هېڅ انځر نه خوري.
د تغذیې د برخې پیاوړی څېړونکی میترا زراتي وایي، انځر یوازېنۍ مېوه ده چې د قبضیت په له منځه وړو کې مرسته کوي او کلمې پاکوي.
دی وایي، کله چې په کولمو کې د انځرو دانې اوبه جذب کړي وروسته په لعابیه موادو بدلېږي چې اضافي مواد کولای شي په کولمو کې په اسانۍ سره حرکت وکړي.
هغه کسان چې په وینه کې د کلسترول له زیاتوالي او یا هم د خوړو له نه هضمه شکایت کوي، کولای شي له انځرو ګټه واخلي؛ ځکه په انځر کې شته مګنیزیم د دې دواړو ناروغیو درملنه کوي.
میترا زراتي وایي، هغه کسان چې په زیاته اندازه فکري کارونه ترسره کوي، باید له انځر ګټه واخلي، ځکه د فکري کارونو په کولو سره په وینه کې شکره له ټاکلې اندازې کمېږي او انسان د ژورې لوږې او ستړیا احساس کوي.
دی وایي، انځر په بدن کې د اوبو د کموالي مخنیوی کوي او د خوړو تر ټولو ښه وخت یې سهار دی، ځکه انځر په تدریجي ډول اوبه پرېږدي او بدن ته د ورځې تر پایه پورې اوبه ورکوي.

حمیدالله حمیدي د افغانستان د تخنیکي او مسلکي زدکړو په انستیتیوت کې د کمپیوټر په برخه کې زدکړې کړې دي. او له هغه وروسته په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې څخه د لېسانس په کچه فارغ شوی دی. له سپوږمۍ راډیو سره له ۲۰۱۱ کال راهیسې په دنده بوخت دی. دغه راز له کابله د چین نړیوالې راډیو خبریال هم دی.
د ژوند په بېلابېلو برخو کې یې ښکلې او علمي ژباړې او لیکنې په لومړيتوب ویب سایټ لوستلای شئ.

نور ورته مطالب
نور ورته مطالب له:  حمیدالله حمیدي
په دې برخه کې نور مطالب روغتیا

کېدای شي دا هم ولولې

مطالعه د انسان شخصيت بدلوي/ ژباړه: حمیدالله حمیدي

ویلیم جېمز سل کاله مخکې ویلي وو چې د انسان شخصیت په ۳۰ کلنۍ کې تثبیتېږي او وروسته بیا بدلو…